Քիեւ` Արեւելեան Ուքրանիոյ մէջ կացութիւնը վերահսկողութեան տակ առնելու «կարողութիւնը
չունի»։
Ուքրանիոյ ժամանակաւոր նախագահ Օլեքսանտր Թուրչինով խոստովանեցաւ, որ իր ուժերը «անկարող»
են Տոնեցք եւ Լուհանսք շրջաններուն մէջ կացութիւնը վերահսկողութեան տակ առնելու, աւելի՛ն`
ապահովական կարգ մը մարմիններու անձնակազմի անդամներ «ահաբեկիչներուն հետ կը գործակցին
կամ կ՛օժանդակեն անոնց»: Ան ըսաւ, որ ներկայիս նպատակը խռովութեանց դէպի այլ տարածքներ`
Խարքով եւ Օտեսա ընդարձակումը կանխարգիլելն է: Թուրչինով նաեւ ըսաւ, որ «Ուքրանիա
զինուորական ամբողջական պատրաստ վիճակի մէջ է»` մեկնելով այն մտավախութենէն, որ ռուսական
զօրքեր կրնան երկիր ներխուժել: Մինչ այդ, ռուսամէտ ցուցարարներ երէկ Հորլիւքա քաղաքին
մէջ գրաւեցին շրջանային ոստիկանատունն ու քաղաքապետարանը: